One Year

كمان 10 أيام بصير إلنا سنة منتقلين على بيتنا الجديد! سنة! 12 شهر! يااااااه كيف الأيام بتمشي بسرعة، بنفس الوقت عم بفكر إنو سنه مرت من عمري شو عملت فيها شو أضفت لحياتي و شو خسرت. بصراحة لقيت كتير أشياء تغيرت، كسبت أشياء وخبرات وخسرت بعض "الأصدقاء" والأشياء. بس الحمد لله أنا مش ندمانة على اشي ولا حاسة إني بعدت عن أهدافي وأحلامي يمكن ما أكون قربت من هاي الأحلام كتير بس أنا على الطريق وبمشي بخطوات بطيئة يمكن بس بتضل أحسن من ولا إشي..

جنب بيتنا في بيت قديم على قطعة أرض كبيرة مبني البيت من قدام والشجر مزروع ورا البيت، أصحاب البيت باعوا من فترة لمتعهد ببني بنايات كبيرة قبل مبارح بلشت الجرافة تهدم بالبيت... أنا كنت طالعة ورجعت شفت المنظر ما بعرف اتدايقت من جوا مع إني ما عمري دخلت البيت أو حتى بعرف مين أصحابوا بس حسيت بحزن على الشجر المزروع من سنين واللي رح ينقلع من جذوره عشان تقوم محله بناية كبيرة من عدة طوابق رح تسد الأفق والسما عن بيتنا.. زعلت على شجر الزيتون وشجر المشمش الكبير..