اااااااخ شو نفسي يجي الربيع خلص رهقت من الشتا والبرد وطبقات الاواعي اللي بلبسهم كل يوم عشان ادفا والصوبة اللي بضل ملزقه جنبها في المكتب.. بدي يجي الربيع واروح اشتري اواعي هيك حلوين وجداد وألوانهم فاتحة.. يمكن ازا صار الجو ادفى وصار في وقت امارس هوياتي يخف الاكتئاب الناتج من الدوام المتواصل وعدم وجود حياة اجتماعية... عم بحضر من هلا الاشياء اللي انشالله حابه اعملها بس خايفة كالعادة اتنكس..
على صعيد منفصل تماما، اليوم شهدنا "خلاف" مع السيد جينيس غريب الاطوار! كالعادة حاول انو يخفف دو واتنكس ما بعرف كم مرة لازم تنكس الانسان اللي قدامك عشان يفهم انو مو مرغوب في.. أي حد بيقرأ، ازا كان في حد بعرف عن وجود هاي المدونة من أصلو، رح يفكر انو انا بشن هجوم على زميلي بالشغل لأسبباب غير معروفة، متل ما مديري حاليا بفكر، بس اللي متأكدة منو اني عمري ما ظلمت هاد الشخص وبالعكس انا ما بدي احكي معو عشان ما اعطي لحالي مجال اني أغلط بحقو... دائما بحاول يثبت انو هو "الشب الدواوين" وانو احنا البنات اللي ازا انكسر اضفرنا رح نضل نبكي اسبوع، وانا بحكيلو انو عشان مين هاي المحاولات البائسة ازا عشان اشي شخصي بينك وبين حالك راجع حسباتك..
ما علينا من هاد الموضوع هلأ خلينا نرجع للطبيعة والجو الحلو والزهر اللي عم بفتح على الشجر :) كتيييير نفسي يدفي الجو واطلع امشي، ان شالله اللي جاي يكون احلى واحسن ;)
No comments:
Post a Comment